Päl duzagy

Sen sözüňi, hakykatyň,
öz ynanýan, iň esasy,
dakjak bolma başgalara,
ses gataldyp, ýa ýalbaryp,
düşündirjek bolup ömür
düşmejege tekejinden,
beýik boljak bolup çykan,
ýitirme hiç wagtyň, günüň,
bolma özüň urman ýykan.

Rehim et özüňe sen,
rehim et il-günüňe,
günde saýla hakykaty,
terezä sal aýdýan sözüň,
saýla birlik, bileligi,
gidiji däl, geliji bol,
bolma ýoldaş ony oňa,
muny muňa küşgürýäne,
ýigrenýäne ýoldaş bolma,
ýeňlenini görüp, bilip,
ýoldaş bolma ar alýana,
her kararyň ýykyjy däl,
bolsun gurýan, urýan däl-de,
düşün, ynan iň esasy,
güýç-kuwwatyň bolar pälde.