Gaçgak duzagy

Ýat illerde agladyk kän,
sessiz, gizläp gözümizi,
gaçyp gelip arly handan,
aç ulalan garny doýman,
ak çörekden, gara nandan,
ýetim ösen, gözi dolmaz,
näçe satsa nebit-gazdan,
ajyň aňy syrly örän,
kanagaty bolmaz azdan.

Ogurlady şu gününi,
iýdi halkyň gelejegin,
okuw, bilim gerek däldi,
kör etjekdi, ker etjekdi,
gözün açan gitmelidi,
türmelerde ýitmelidi,
ýitmelidi türmä düşmän,
ejeň gelse daş obadan,
iýjek bolsaň bile pişmäň.

Gaçyp gaýdyp ýat illere,
gördük öňden gelenleri,
iki, ýeke, köpçülik däl,
bukulýardy galanlary,
eýle, beýle, bukulmadyk
gabanýardy giň dünýäni,
ýerin, ýurdun aljak ýaly,
aljak ýaly at, şöhradyn,
göreşiji halky üçin,
ol ýeke-täk, bu ýeke-täk,
akladylar açgöz hany,
nirä barsak ownuk gürrüň,
ürküp gezdik sözlerinden,
gizlenmäge ýer gözledik,
içi okly gözlerinden...