Şükür petigi

Öň olaryň atalary
şükür etdi, sabyr etdi,
belki, kysmat şeýle diýip,
maslahatyn aldy ulyň,
köpi gören, özün iýip,
bolan bilip guluň guly.

Soň olaryň kakalary
şükür etdi, sabyr etdi,
maslahatyn alyp ulyň,
köpi gören, süýtde agzy
bişen gaty, suwy bulap,
üfläp içiň edýän wagzy.

Indi olar, agtyk, çowluk,
oňatlyga ýorup baryn,
şükür edip oturmaly,
ýok ýekeje ýoldaş, syrdaş,
ýol gözlemek hatar, satar,
atar diýip dogan-gardaş...