Söwet dini

Hökümet halkyna garşy bolanda,
elde-aýak, bolýan işin ap-aňsat,
boldurmaýar, itýär iliň döşünden,
bu aşakdan, pesden gelmeýär diňe,
has ýokardan, kasam içip, kanuny
gorajagyn aýdan beýikden gelýär,
gelýär onuň işe belläp, aýyrýan,
baý, beg edýän nökerinden bir topar,
hökümet halkyna garşy bolanda,
yzdan barsaň, öňden barsaň, ägä bol,
aýamaz ol, hökman deper ýa gapar,
depelär ol bütin halky, birin däl,
saklajak bor diňe sessiz, sedasyz,
diňe hä diý, ýogsam bolarsyň asy,
hökümet özüne garşy bolanda,
kanunlara, kada garşy gelmeýän
möhümiňi bitirmez ol, her başlyk
hudaý bolar öz ýanyndan ölmeýän...