Ýaşaýyş

Her uranda durmuş ýa-da
duşmanlaryň, ýüzüň kessir,
ýa arkaňdan, enteseň-de,
ýykylsaň-da boldum diýme,
galdym diýme şu ýerde men,
muňa derek sag bol aýdyp,
ýylgyr içden demiň gelse,
galdym diýseň, öldüm diýseň,
galarsyň sen, ýeňilersiň,
ýok, bolmady, bu dogry däl,
durmuş maňa sapak berýär,
duşman maňa sapak berýär,
sapak berýär dostlarym-da,
almaly men bu sapagy,
belki, biraz gymmat düşen,
düşün diýseň öz-özüňe,
öz-özüňe diýseň daýan,
ýene, kem-kem, emedekläp,
ýene bolup ýörjen-ýörjen,
dikelersiň, pikir eder,
heder eder gowşak saýan,
ýa-da saýan samsyk örän,
ýaşap ýörseň, ýüz-gözüňden
tapylyp dur geçjek ýöräp...