Beg girdejisi

Belki, seniň bilmezligiň,
ýa salmagyň bilmezlige,
azap etmän biljek bolup,
kelle döwmän gije-gündiz,
baý bolýanyň ýylba-ýyldan,
beg bolýanyň ýylba-ýyldan,
girdejisi uly, kiçi,
sen edýärsiň baýlary baý,
özüňi däl, ezijini,
ýalançyny ýyllap doldap...

Olar güler saňa, dogry,
dowam etseň bilmezligi,
ýa gorkmagy bilip, görüp,
gahar edip gahar etseň,
halamazlar diýseň ogry,
ýarag edip kanunlary,
satyn alnan kazylary,
güýç ediner güýç gullugyn,
ertekiçi metbugaty,
žurnalisti, şahyrlary,
bagşylary, köşge gurban,
toplap sürüp, söweşerler,
hakyň bolsa, soramasaň,
ýazylan ýa ýazylmadyk,
ynsap edip, aýtmaz olar,
goramasaň gözel ömrüň,
talan aç bor, eli uzan
has kän islär, özi bilip,
besdir diýip gaýtmaz olar...