Bu oýun däl

Halk özüni goramasa,
öwrenmese goranmagy,
okap görüp kanunlary,
düşünse ýa düşünmese,
soramasa düşünmedik
ýerlerini gypynç etmän,
düşünenin talap edip,
goramasa bir-birini,
dogan-gardaş, ýat, keseki,
kemsitmeden, eden-etdi,
giden-gitdi bilen oýnap,
kysmat diýip, kaýyl bolup,
Alla goýup ähli işi,
agyr bolsa, gorksa gözi,
ýa günäli, bolman ýüzi,
gurban berse özün millet,
gurban berse bir-biregi,
agzyndaky aşy alnyp,
ýüzüginiň gaşy alnyp,
düşünmedik bolup çyna,
ogurladar gözel ömrün,
ogurladar çagalaryn,
gelejegin gorap bilmän,
bu oýun däl, aglaň, gülmäň!