Il çukury

Gelenini içden göni
aýtsaň açyk, diýseň bilip
çekjegiňi zyýan käte,
çekilmeseň çekilse il,
çekinmeseň çekinse il,
oýnamasaň çeýe oýnun,
dilsiz bolup, ýalan gülüp,
görer iller, biler iller,
käbirleri ýigrenerler,
tanan köp bor azda-kände,
sylar iki-ýeke ýolda,
üstüň kakyp, tursaň ýerden,
ýöne Alla şaýat, kimse
ýürek etmez, aýtmaz için,
sög diýlenler söger, dogry,
beýlekiler durar çeke,
ejiz bolar, egsik bolar,
il diýilýän goýar ýeke,
şeýle mydam ýagdaýy oň,
hemme ýerde, üýtgeşik däl,
gybat eder, gürrüň eder,
ýalan-şaýryk bile-göre,
sen içiňden gelenini,
il dek, alyp gitme göre.