Çüý kyssasy

Çykyp duran çüý bolsaň,
çekiç geler, geň görme,
il susanda jöwrenseň,
iliň güler, geň görme...

Çekiç hana 'hä' diýmän,
gowga goýsaň başyňy,
öň üzeňňiň kän ogşan,
zäher eder aşyňy...

Ahyrynda birleşip,
çekiç, palta, atagzy,
döwse demir derwezäň,
açsa agaç gapyňy,
bardyr öýden, ynanan
kanunlaryň basgylap,
alyp gitse zyndana,
çaýa, suwa zar edip,
aglatsalar çagaňy,
'haý, boldy-da' diýseler,
ýa diýseler 'bu-da az',
sen iliňden geň görme,
gaty görme dogandan,
dolanandan, aç günde,
çaý, çörege daňylan,
aýtjak bolsaň bilýänleriň,
daş kän bolar zyňylan...