Edilen iş

Edilen iş – edilen iş,
ýalňyş bolsun ýa-da kemter,
bärden gaýtsyn, aýdylşy dek,
artyk bolsun, tankytlansyn,
ýa gülünsün, hehe-hehe,
edilmedik işden gowy,
ýa-da erbet diýmek aňsat,
ýöne bir iş etjek bolmak,
ýa synanmak gowy mydam,
synanmasa, ýalňyşmasa,
dynç almasa käte ýadap,
adam adam bolarmydy,
aýakýalaň, çagalykda,
çybyk atyn çapyp gaty,
büdremese gaty ýerde,
bu günlere gelermidi,
gum sepmese ýarasyna,
duruzmasa çaga ganyn,
iň bärkisi aýakgabyň,
soň daňmagy bagjygyn oň
öwrenmegiň gerekdigin
pikir edip bilermidi?..