Aç nesil

Mekdebe aç gidýän çaga,
bir, iki däl, bilýär hemme,
aç oturýan agşam öýde,
aç ýatmaly bolýan gije,
eje, kaka işsiz ýa-da
işleseler, gazanany
bezenmäge ýetmez, Alla
baýa berer iki elläp,
hajy bolar iki ýüzli,
her gün meýlis gurýan topar,
güler garyp diýip halka,
azgynçylyk etse öwnüp,
gürrüň eder, utanmaly,
uýalamly garyp dogan,
garyndaşlar, aç, hor nesil,
ezenegi agan işläp,
baý bolmagy başarmadyk,
diýmek, düzüw terbiýesi,
yzdan barsaň, depýän kanun,
öňden barsaň, gapýan kanun,
para berip okanlaryň,
işlejegiň para alyp,
elindedir, kagyz diňe,
gapylaryn aýak bilen,
eliň zatly açmasaň sen,
mekdebe aç gidýän nesil,
boýun alýan, günäkär men!..