Gowulygyň erbetligi

Sen umumy gowulyga ynansaň,
etjek bolsaň gowulygyň başaran,
ýa saklansaň ýamanlykdan, eliňden
gelip duran gymyldatsaň çalaja,
daş zyňana hezzet etseň aş döküp,
ýa almasaň eliň ýeten ýerinden,
goparmasaň gol-aýagyn milletiň,
pikir etme, pälin üýtgeder bahyl,
ýa atjaklar ýygnar ok salan ýaýyn,
ýa diýerler deň bolmady, sag bolsun,
tersine, gülerler kemakyl diýip,
gowy bolan bolýar, dok bolan bolýar
alyp bilýän wagty almady paýyn,
ýa diýerler gorkak, züwwetdin pahyr,
tapsa kaýyl ind çöregin, çaýyn...