Adam parhy
Wirjinia Woolfyň äheňinde
Adam ogly näçe gezek,
ele alyp kyn ýagdaýda,
ulandyka galamyny,
ýa çotgasyn, surat çekýän,
tüpeň alman ele okly,
mäşesini çekmän onuň,
ýok, gaýraty bolmazdan däl,
düşüp bilmän beýle pese,
diýme maňa atyp bilmez,
aryn alyp bilmez hakly,
töhmetçiden, çyn, islese,
ady döwlet, bäş-on mese...
Ýok, bu ýalan, hemme adam
gelip bilmez bu ýol-ýoda,
küşgürmez ol başgany-da,
ot gorsamaz daşda durup,
galamyny sylan adam,
sylan adam çotgasyny,
sylan adam öz hünärin,
döküp bilmez adam ganyn,
hatda ýurdun aldyrsa-da,
ýapdyrsa-da ýolun pese,
emel ýetip iň näkese...