Oba derdi

Bir-birine ganym bolan obany,
päli ýaman, içi gara, ýylgyrýan,
niýetinden dändermersiň daş bilen,
sen salam ber, salam berme, geçirmez,
öçli bolan öz-özünden, keýpine,
beter bolar ulaldykça haltasy,
arkasyna alyp gelýän asyrlap,
dökdürmersiň daşlaryny aş bilen,
näçe söwüş, janly soýsaň gelende,
gorkýar diýer, beter bolar, ýaňsylar,
pitçiň atar göreşiňe, işiňe,
begener ýykylsaň, ogly bolan dek,
kän gynanar abat galan dişiňe...