Ýesir howpy

O birine, iki dilli,
üç, dört ýüzli, ata çykan,
ýetim ösen, gözi doýman,
üstesine töweregin,
aç sürini gowy bilýän,
töhmetinden çekinmeseň,
çekinmeseň türmesinden,
ýa ölümiň boýna alsaň,
diýersiň öz hakykatyň,
pikirleriň, belki, ýalňyş,
ýöne özüň ýaly ýesir,
göwni çykan Kap dagyna,
ildeşiňe, ozal iýen,
ýa geljekde iýjek boldan,
içiň dökme eger-eger,
diýýän sözüň pikirlen kän,
ýa-da diýme, aýtma, degmez,
göwni galkar gülseň gülkä...

Sen ýurduňda eneň, ataň,
doganlaryň aglat, güldür,
ol öz işiň, iliňki däl,
olar güler saňa galsaň,
çykyp bilmän batgalykdan,
hatda çykyp ýurt daşyna,
sen ýetimçe ýoga ene,
ata görüp ulalsa-da,
aýdyp berme aýdymlaryň,
watan hakda, içde galan,
olar seni bagyşlamaz,
geçirmezler bagtly bolsaň,
sözüň aýdyp, ýazyp günde,
azat, erkin, ölmän galsaň...