Esgi fenomeni

O birini baýlar diýip,
kulak diýip beýlekini,
ýa basmaçy diýip wagşy,
bu birini okan diýip,
ýa akylly diýip doga,
bilýär diýip peýdasyny,
zyýanyny görýär diýip,
pikir edýär diýip başga,
beýlekini okamadyk,
ýok pikiri, düşünjesi,
atsaň, itseň çukur tapsaň,
guýularyn zäherleseň,
ilde galýar tüýs gerekli
adamlary ezijiniň,
basgylanyň il erkini,
soň ol ilde watan näme,
millet näme, bilýän galman,
biri-birin itip, basyp,
bolsa asyp, güljek süplük,
az bolsa-da, güýçli ýaly,
esgi bolup galýar köplük.