Ynanylmaýan döwlet

O döwletde o döwlete
ynanýan ýok ýekeje-de,
başlygyndan iň aşaga,
aýagyndan dyrnaga çen,
üýtemedik bolsa akly,
sürüjiler başlyk çekýän,
ýa beýleki, eýlekiler,
gülýär agşam öýe gelip,
soň aglaýar käbirisi,
ýeke galsa, utanjyndan,
düşünýäni aga, gara,
o döwletde o döwlete
guwanýan ýok ýekeje-de,
ýuwaş-ýuwaş, günbe-günden,
hemme bilýär, sypdyrjak däl,
aljak ahyr düşen ýara.