Adam ýitgisi
Karl Saganyň äheňinde
Hudaý görýär, bilýär diýip,
wagyz etseň adam gorkar,
ýa üýşener azda-kände,
diňlär diýseň çaga ýaly,
garagolluk etmez gaýdyp,
şahalaryn döwmez münüp,
goňşyň barly baglarynyň,
ýa ulalyp, okap, ösüp,
wezipeli bolan adam,
ýaşaýyşyň eden-etdi
tagamyny alan adam,
açyp dini kitaplary,
dowzah diýseň, azabyndan
gorkar öýdüp umyt etseň,
ömrüň geçer ham-hyýalda,
tapmak kyn bor özüň ýitseň.