Siňe baksaň

Her gezek sen öz-özüňe
beren sözüň tutup bilmän,
ýol ugrunda taşlanyňda,
ýa goýaňda ertä işiň,
ýa ýataňda ýuwman dişiň,
okamaly kitaplaryň
üýşüreňde başujyňa,
unudaňda soň baryny
tä alýançaň täze kitap,
çagalara beren sözüň
unudan dek yz-yzyna,
kaka-da bir ýalan sözläp,
diýdirýänçäň utanmazmy,
sen özüňe öz sözüňde,
ýa özüňde hiç deregiň,
ýa agramyň ýokdugyny
öwredýärsiň bilip, bilmän
diýenmişin öňde biri,
öz sözüňde durmak ýa-da
söz bermezlik galmak diri,
ýaşap ýören, jaýlanmadyk
maslyklaryň arasynda,
siňe baksaň, görýäň mydam,
kim däl gaýaň gyrasynda...