Arpa, bugdaý ertekisi

Her kim diňe öz ekenin
orar diýip aldadylar,
arpa ekip, bugdaý ormak
hiç mümkin däl diýseler, tur,
işle diýip özümize,
dost-ýarlara azar berdik,
soňra gördük, ýalan eken,
o birleri, jenaýatçy,
bigünäni basýar türmä,
garalaýar ak adamy,
gorkup, bilip günälerin,
aýyp işin, eden, etjek,
öňün alýar adalatyň,
hözir görýär sütem edip,
bu birleri uruş ekýär,
ölýär müňläp çaga, aýal,
orden, medal alýar biri,
beýlekisi gazanýar mal,
her kim diňe öz ekenin
orar diýip oýnapdyrlar,
ýyllar boýy ylgap, aryp,
ahyrynda gelýän ýeriň,
bir bilýäniň: Gora, taňry,
adamlardan, arpa ekip,
bugdaýymy aljak gaňryp!