Soňky müýn

Duşman ölýär, dost ýogalýar,
bir-ikiden, töweregiň
ýuwaş-ýuwaş boşap galýar,
bir gün gelip dostuň dosty,
ýa-da duşup ýolaýrytda,
ýas ýerinde başga bendäň,
onuň bilen bile eden,
gybatlaryn, onuňky dek,
aýdyp berýär, utanýarsyň,
diýýärsiň ol bilýär ahyr
meniň beýle däldigimi,
gowudygyn ýüregimiň,
soň birhili, aklap özüň,
günäň boýun alan ýaly,
ruhunyň öňünde oň
bolýaň müýnli galan ýaly.