Etrek hekaýasy

Tankyt etme diýdi adam,
daş obada, Etrek boýy,
serhet bardy ýakynjakda,
garyp oba, göz öňümde,
adamlary, güler ýüzli,
gürleseler süýji sözli,
hudaýýola gelipdiler,
ýatlap goja mollumlaryn,
ýazyjylar geldi diýip,
häkim alyp bardy bilip,
begenjegin sada halkyň,
tankyt etme diýdi adam,
ýuwaşjadan golaý gelip,
okaýana meňzeş däldi,
şlýapasy ýokdy başda,
sekizburç papaklydy,
güne ýanan ýüzi halyn,
ýagdaýyny aýdyp durdy,
ýazyp bilýäň, bilýär hemme,
başga zat ýaz, okaýaryn,
barýan käte Aşgabada,
tanaýaryn kärdeşleriň,
bilýän ähli ýagdaýyňyz,
çişik, açgöz ýazyjylar,
iýer, inim, ýaşlyk etme,
diýdi adam özüň aýa,
ýol uzakdyr, gaty gitme!