Edep borjy

Adam hasap etmeýäni
adam hasap etmek borjuň
ýa wezipäň bolanda kyn,
işiň bolsa, aýlyk alsaň,
çydamaly bolýar uzak,
üstesine bu bir hile
ýa-da bolup biler duzak,
ýöne ýene bir mesele,
sen deňine düşmeli däl
her öňýeten kineliniň,
ýa gedemiň, ýelden dolan,
bermeli däl özüňdäki
gowulygy, artyklygy,
arzan, geçmez haryt ýaly,
ene-atasyndan akyl
ýa-da edep almadyga,
aşak düşme seniň üçin
bir basgançak galmadyga.