Şahyr bolmadyk şahyr
Fridrih Nitşäniň äheňinde
Wagty gelip, gowasyny
taşlamadyk ýylan ölýär,
galýar ýere dökün bolup,
bu hut şeýle beýnide-de,
pikirde-de köne-küşül,
ulanylan uzak, bir gün
taşlanmaly ýol ugrunda,
kän aslyşan, bilmän döwrün,
öňün alýan özgerişiň,
ösüşleriň, baglap ýoly,
boljak bolsa beýni beýni,
pikir pikir boljak bolsa,
boljak bolsa akyl akyl,
düzetmeli özün kemsiz,
dost bilen däl, duşman bilen,
agramay bar bolsa eger,
aýdýan käte dogrusyny,
şahyr şahyr bolmaz sylap,
magtap iliň ogrusyny...