Diri bolup goranmasaň

Iki eliň çapsalar-da,
Galwarino nusga boldy,
göreşersiň, durarsyň sen,
durjak borsuň durmalyda,
oňa, muňa töhmet atman,
haýyn diýip, ilki özüň
satyp geçen, geçmedigi,
mümkin wagty aşak, pese
gaçyrmajak borsuň ili,
derejäni, o biri dek,
galmagalyň deňine däl,
aşagyna gykylygyň,
daşa çykyp, döşe kakyp,
arlamarsyň iş bitirmän,
utandyryp başgalary,
ýa gyzartjak bolup ýüzün,
ýurtda galyp, tans etmersiň,
oň toýunda, muň toýunda,
baş egmersiň basyp alan,
basman alan aç hüňkara
tahýa geýip, telpek geýip,
sebäbi baş seniň berkiň,
diri bolup goranmasaň,
diýdigiň bor ýüzüm gara...