Gullar we zalymlar

O bir şahyr diýipdir öň:
Elmydam ýoksullaryň
tarapynda bolaryn men,
hiç zady ýok, ýa talanan,
üstesine hiç gününe
goýulmaýan ýatsa, tursa,
sagbol aýdýan eziji kän,
yzyn üzmän näçe ursa...

Bagtly durmuş gykylygy,
gazeti aç, žurnaly aç,
radio, telewizor,
ýekeje gün, bir dynç güni
berilmeýän adamlara
hossar boljak bolaryn men,
diýenmişin bir şahyr öň.

A beýleki diýenmişin,
öldürmeli bolsam birin,
ikisinden zalym bilen
ony goýman öwýän piriň,
ikinjisin öldürerdim,
çünki gullar ulaldýarlar,
zalymlary saklap diri.