Duşman dostlugy

Samsyklyga salyp, bilmedik bolup,
düşünmedik bolup hile, pirime,
nämemişin, nakyl barmyş, duşmanym
dostlarymdan ýakyn saklap ýadadym,
şeýle bir ýadadym ýalan ýylgyryp,
bermeli jogaby bermän ýerinde,
gümmi-sümmä urup, üsgüren bolup,
ahyrynda diýdim nämäme gerek,
tanaýaryn ahyr baryn aýnada
gören ýaly, okap daşdan içlerin,
kesdim telefony, haty, petegi,
okap bilýän islän kitabym indi,
a soň kino görýän galan ýerinden,
yza gaýdyp, eger akal almasa,
ynanmaň nakyla, duşman gerek däl,
içiňde geçmejek puşman galmasa.