Bahyl oba

Biz obada, diýdi tanşym,
göreş tutsaň egri bilen,
doganyň-da halamaýar,
ýegeniň-de halamaýar...

Ýykaýmasyn diýýän ýaly,
baş baýragyn alyp toýuň,
bil tutuşsaň ogry bilen,
ady belli bütin oba,
il malyny talan, çapan,
halamaýar dostlaryň-da,
duz iýişen, arak içen,
içi gyssa gelip agşam,
göçen gürrüň edilende,
gaçan işe gezek gelse,
gaty belet bolandyryn,
eger ýyksa ogry seni,
ýykan ýaly etse çala,
badak salyp aýagyňa,
saklansaň-da entek daýaw,
görendirin, görendirin,
gygyrýarlar turup bary,
haý, daş etdiň diýip, böküp,
gutlan bolup şermysary.