Diwar ýazgysy

Seret, ýagyş ýagýar, adam
aýakgabyn öl etmesin,
aýagyna daş bol onuň,
basyp geçsin suwdan aňryk,
garaşyp dur, gaýdyp gelse,
balagyny öl etmesin,
gonjy uzyn bolsa biraz,
sen asfalt bol, täze, tekiz,
döwük-ýenjik asfalt bolma,
gaty görer, bagyşlamaz,
sen gowy bol, akylly bol,
ýok, bolmasaň, özüň bilýäň,
ýagyş ýagýar, ýollar kirşen,
ýüz öwürer adam senden,
bolmaz gelip gören, görşen.