Seniň borjuň

Sen borçly däl ynanmaga adama,
dogan bolsun, dostuň bolsun, ýa duşman,
sen borçly däl diňlemäge her sözi,
okamaga, hat ýazsalar gaharly,
ýa idili salam bermän başynda,
sen borçly däl, wagt ýitirip, oturyp,
ýa dik durup ýol ugrunda duşsalar,
söz zaýalap, aklamaga özüňi,
seniň borjuň diňe goramak özüň,
ýüregiň goramak, bagryň goramak,
el-aýagyň sokman saklanmak batga,
başga pälli zyňýan wagty palçygy,
ýa suw açsa saman astyn ulanyp,
durmuş – bu sil, ahyrynda äkider,
girjek bolma her gelende bulanyp.