O bir ýerde, bu bir ýerde

O bir ýerde döwletbaşy,
töweregi ýurdy çapýar,
az görýän dek bu edenin,
alyp gelýär ýat illerden
özi ýal açgözleri,
bir-birine balmy-şekere,
başgala daş sözleri...

Bu birleri gaçyp sypýar,
ýurdy çapyp ýetişmedik,
ýa niýeti başga biraz,
özi ýaly adamlaryň
hukuklaryn gorajakdan,
soralmadyk hasaplary
ýeke-ýeke sorajakdan,
däpmi, adat bolşy ýaly,
arzuw, hyýal agdyk işden,
grant alýar, aýlyk alýar,
eýdip, beýdip işin etjek,
hakyn halal etjek bolýar,
ýa araba ýaglanmadyk,
ýa-da juda könelipdir,
agyr ýüki ýolda galýar,
beýlekiler gygyrýarlar,
ýüzi açyk ýa perdeli,
il gözüne barmak dürtüp,
bolsa aljak başgaň adyn,
eli ýetse döwjek elin,
emma ses ýok o tarapa,
ýa ýurt çapan bar batyryň
çykarypdyr gowy ýelin...