Howply ýoldaşlyk

Bilmeýän we bilmeýänin bilmeýän,
belki, gowy dynjyn alýar gijeler,
gülýär suwsuz, aç, ýalaňaç bolmasa,
bilýän, bilmeýänin bilesi gelýän,
gije-gündiz pikir edýär, dynjy ýok,
göz öňüne getir gije ketegi,
çyra, çybyn-çirkeý, awçy jüýjeler,
mör-möjekler ýagtylygyň gurbany,
bilmeýän we bilmeýänin bilmeýän,
palaw bolsa, iýmez etsiz çorbany,
ýatyp iýer, han-soltandyr, ýerinden
galjak bolmaz, getir diýip gygyrar,
gyzma, gözün açjak bolma gedemiň,
sowat diýip, jan aljagy çagyrar...