Akmaklyk jenneti

Akmaklygyň jennetine
eliň çarpyp gelmeseň,
nirede boş gürrüň bolsa,
içiň tutup gülmeseň,
gözleriňde gussa bolsa,
sözleriňde bolsa pikir,
ýa oňaýsyz sorag berseň
ortasynda warsakynyň,
galmaz uzak gapdalyňda
dost-dogan ýa bir ýakynyň,
uzak gitmän oba, ilde
iň biheppe adam borsuň,
gurujy däl eger-eger,
bolarsyň sen mejlis bozan,
bu jennete owal-başda
geler yza ylgap ozan.