Baýdak oýny

O çärede bir adam,
iki adam barmyka,
galgadýarka baýdagy,
pikir edýän il hakda,
ýagdaý hakda hakyky,
ýa bezegmi barysy,
telpekli ýa tahýaly,
bilýän, meger, durmuşy,
öňki, soňky gurluşy,
adam bolsaň näderler,
gizle akyl-huşuňy,
samsyklyga sal diňe,
oýna baýdak oýnuny,
eger birden gürlese,
diňleme hiç dälini,
agent bolup çykmasyn,
otur, jaýyň bar bolsa,
döwlet onam ýykmasyn...