Bolmaýan köplük

Diýer olar deň bolmaly,
peselmäli pesler bilen,
peseleňde näme boljak,
bilip dursuň, olar häkim,
ýa häkimiň ýanýoldaşy,
gan ýoldaşy, mal ýoldaşy,
biri-birin gorar, durar,
a sen ýeke, şerçi borsuň,
gykylykçy borsuň nähak,
muny görýän, bilýän millet
başyn aşak salyp dymar,
hem köpelder özi ýaly
ýüzi ýerden galmaýany,
diýer olar deň bolmaly,
bolýan edip bolmaýany.