Ýalan sözleýäni öçür depderden

Ýalan sözleýäni, çyna berimsiz,
kimem bolsa öçür telefonyňdan,
diňleme nirede, näme sözlesin,
ýa gözlesin, tapar ahyr pälinden
golun çekýän ýazyp berlen gybata,
ýa-da ony gaýtalaýan hüthüti,
uçup gelip ýaradanyň adyndan,
ýaradana dönük bolup gürlese,
şerap içip, şerbet içip ýa göçüp,
çykar, aýyr, zyň kelläňden bir gysym,
papagy dek mynçgalanan Iliçiň,
soň pyýada, ozal mugt düşen ata
çykan hany, öz-özüne mähneti,
peşmek ýaly göge uçan ýel tursa,
zyň, beýnide, hakydada göterme,
ýigrenç sözün sözleýäni, kim bolsun,
ýa-da şahsy hüjüm edýän peselip,
agzy hapaň hapa bolar ýüregi,
nähak gargyş gaýdyp geler yzyna,
ýazan bolsaň, öçür pesiň adyny,
öň kim bolsun, soň kim bolsun, işiň ýok,
tekerine taýak sokar gyssanan,
özi alar, özi gaçyr badyny.