Mugt maglumat

Iň ýakyn dost, dogan bolsun, ynanma,
barlap görmän sözün, işin adamyň,
başyňa iş düşse, ýykylsaň atdan,
ýa-da gorkup, badak atsa hökümet,
ozal gülüp, duz iýişen gardaşlar,
gyzyň gyrnak, ogluň guly hasaplar,
bu bir synag, özüň tutsaň gaýtadan,
ýüzi gyzmaz, ikidilli kisede,
näçe sowsa boljak puly hasaplar,
öňünden gaç, bu mugt akyl, almasaň,
geçirmeseň ogul-gyza, agtyga,
ertir oňa puluň ýetmez, oýnatgy
depä çykyp, gara çekse bagtyňa.