Açyk açylan aýyp

Ozal aýdan bolsak ýüzden birini,
töhmetçi ýa barypýatan gybatçy,
pida oýnun oýnan nadan bolardyk,
nirä barsak bulagaýlyk gözleýän,
indi asla geregi ýok wagtyňy,
ýa sözüňi zaýalamak adama,
näme bolýar arkasynda perdäniň,
aýdylýany näme, edilýän näme,
birlerine gerek bolýan elmydam,
düşündirjek bolmak derkar däl indi,
näçä düşýär ýalan goragsyz ile,
näçä düşýär talaň talamaýana,
durmuş ahyr açyk açdy aýany,
görýär dünýä, ýöne maňlaýyn ýarsyn,
görmejege görkezmersiň gaýany.