Il ýesiri

Akyl-huşy ýerindäki milleti
akyl bilen ýadatmarsyň, ýykmarsyň,
entedersiň diňe akmaklyk bilen,
gaýta-gaýta edip samsyk gürrüňi,
döwlet bolup ýa döwleti goldaýan,
gazet-žurnal, ýazyjylar, şahyrlar,
öz-özüni edip ýören göz-gülban,
näçe etse boş, bolgusyz gürrüňi,
samsyklyga salyp, oýundan, çyndan,
ýa alaçsyz gaýtalasa, meýlise
goşulmadyk bolar däli ýa tentek,
a kemakyl saýar özüni dana,
muny bilýär, düşündirmek gerek däl,
öz ilinde ýesir bolan ynsana.