Alynmaýan maslahat

Ýaradan hak diýermişin adamyň
howatyr et gözündäki ýaşyndan,
ynjydaňda ejiz görüp, äsgermän,
hakyny iýeňde çekin adamyň,
ogurlaňda ýeňişlerin gan bilen,
garda galyp, buzda doňup gazanan,
ak adyny garalaňda pikir et,
sebäbi men diňlemeli bolaryn,
gelse bir gün, nalyş etse, aglasa,
borjum bolar sylmak ýaşyny onuň,
ýa-da diýse arym alyp ber käsi...
Käşgä bolsa bu geplere ynanýan,
beýle köp däl, biraz az bordy asy.