Il duzagy

Bilinmeseň, tanalmasaň has gowy,
ilim diýip, iş edinip, başyňy
başsyzlaryň gowgasynda agyrdyp,
şarpyk iýip, ýüzüň, ýeňsäň goýulman,
basyp alnan, kemsidilen milletde,
eginden ýokarsy dil bolan diňe,
öz sözüni sylamagy unudan,
unudan özüni, atyn aldyryp,
diňe gylyçlyny sylaýan ilde,
dilini öwrenýän toply geleniň,
bilinmeseň, tanalmasaň rahat,
günüň gowy geçýär, iş edip, ýitip,
ýitirip özüňi horlansaň uzak,
düşündirýär iň ýakynlar, ýatlar däl,
daşynda däl, iliň içinde duzak.