Arzuw etme

Ogurlamak bolýar iliň malyny,
süri-süri, kel toklusyn, arryklan,
nebit-gazyn, başga nämesi bolsa,
hasap sorap, gyssaýan ýok ogryny,
uly, kiçi, eli ýaragly bolsa,
ýa yzynda dursa ýaragly goşun,
çagalaryň çöregini agzyndan
alyp bolýar aldap, agladyp ýa-da,
tans etdirip ulugyzyn öňüňde,
alkyş aýdýar millet şu gün, ertirin,
birigünün ogurlsaň günortan,
iňrik garalarna garaşyp durman,
bu hemişe bolan, boljak zat, belki,
hökümetler, hanlar, adyl, edenli,
il, jemagat bagyşlaýar alaçsyz,
ogry, kezzap güýçli bolsa, kän bolsa,
ilki görmän, bilmezlikden ýa bilip,
bilesleri gelmän, göz ýumup oňa,
ýöne arzuw etseň azatlyk hakda,
erkin guşlar ýaly saýrasyň gelse,
geçirmeýär iller, jemagat günäň,
aklyň bolsa, arzuw etme, bolmajak,
gelmejek günleri getirjek bolup,
gynanma sen adamlara söweşýän,
ýa garaşyp ölýän, daňylman goly.