Bilimdäki bilimsizlik

Magtymguly ýalançymy, diýipdir:
"Sabyrsyz gul tiz ýolugar belaga,
Sabyrly gul dura-bara şat bolar",
bile-göre garaşanlar ahyry
boýun alýar, ajap eýýam gelmeýär,
öz-özünden, näçe gowy bolsaň-da,
namaz okap, agyz bekläp, sadaka,
hudaýýoly berip, bütin ömrüňe,
muňa derek gylyjyndan gan damýan,
ýalançylar, ýüzi galyň kezzaplar,
gowy bolan bolup oýnaýan diňe,
her näme diý, alýar islän ýurduny,
dili bilen, dini bilen, ýa başga,
ele ilen gurallary aýaman,
adamlaryn gyrnak edip, gul edip,
beýik bolýar, boýy ýa-da pikiri
näçe kiçi bolsun, hereket eden,
tanan adamlary, bilen içlerin,
Magtymguly ýalançymy, ýa çynyn
aýdyp, ahyr çynçy boljak bolupdyr,
däli bolup galdym diýip ilimde,
muny saňa aýtmaz Mati Kösäýew,
hil däl-de mal maksat bolsa bilimde.