Ýok taýýarlyk

Hippokrat aýdanmyşyn hassany,
bejermäge başlamazdan öňürti,
soraň diýip ondan ozaly bilen,
taýýarmy ol owal-başda özüni
hassa eden ähli zady goýmaga,
terk etmäge gylyklaryn bolgusyz,
ýalan sözi, iki ýüzli durmuşy,
bile-göre, ýa-da bilmän gaýtalan,
iýen iýilmesiz nahary doýman,
içen içilmesiz içgini goýman,
ýa tirkeşen adamlaryn, dereksiz,
ýa gyzygan pişelerin, gereksiz,
soraň adam isleýärmi aslynda
üýtgetmegi durmuşyny büs-bütin,
ýa-da islän bolýar üstünden düşüp,
depelände döwlet begi, azanlar,
taýýarmy il adalata, boljakmy,
ýa arzuw bor ile gyzan gazanlar?