Sürlen ýer

Sürlen ýeri gowy görýän, ýurdumy,
arzuwlarym ýatladýar ol elmydam,
Saparmyrat aldy ýerimi meniň,
bir bölejik, Berzeňňiniň ýokarsy,
bag ekipdim, saýasynda oturyp,
çaý içjekdim ir säherler, günortan,
ýa agşamlyk, goňşulary çagyryp,
arasynda goşgy okap dostlarym,
galamdaşlar gelse, ýüregi gysyp,
goşgy öldi, ýok edildi söz ilde,
ýürekdäki, ýalan boldy owadan,
belent aýdym, gije-gündiz aýdylýan,
biz bu dünýä gaty aglap gelýäris,
o bir güzap, boldy gülüp gaýdylýan.