Arly ildeş

Duzuňyzy iýdim diýipdir adam,
zyňmazdan öň yzymyzdan hanjaryn,
awy, zäher çalnan, ýigrenç suwunda,
bellisi ýok, näçe ýyllap taplanan,
degse aljak çümmän, çala çyzsa-da,
bady ýykjak bagyň bilen ýaplanan.

Gynanýarsyň, duzuňa däl, halyna,
adamlaryň ahyr açanda ýüzün,
wagt ýitirip, saçak ýazyp öňünde,
diňläniňe bal mysaly her sözün,
zar boldum-da diýip ildeşe, sada,
ýazypdyr ol, arly, ahmyrly, ýöne
duzuňyzy iýdim diýipdir adam.