Il oýny

Öz kellesin gowy görýän
bütin dünýäň akylyndan,
belki, mamla, urmaz ony
gara daşa, diwarlara,
goý, başgalar ursun diýer,
aýar ol öz başyn mydam,
yza çekip, kanagatly,
pikir edip, kelle döwüp,
azap etmän günün aýlar,
gereklini magtap, öwüp.

Ýüregini gowy görýän,
aýar özün, ýürek-bagryn,
gynanmaz kän ýykylana,
gowy görýän dilin dişiň
arkasynda bukup mäkäm,
ertä goýar müşgül işi,
soňra goýar birigüne,
başga biri etsin diýer,
bu biriň däl, köpüň derdi,
il öz başyn oýnap iýer.