Ýetmeýän zat

Seniň özüň özüň syla,
sylagyna mätäç bolma,
hormatyna mätäç bolma,
sylagsyzyň, hormatsyzyň
öz-özüne jinnek ýaly,
sylamaýan atasyny,
sylamaýan babasyny,
sylag näme, bilmeýänler,
bilmez iliň toý, ýasyny.

Iki ýüzli, iki sözli
messepsiziň hormatyna,
sylagyna mätäç bolma,
sen özüňi syla ozal,
sen sözüňi syla ozal,
sen ýüzüňi syla ozal,
sen gözüňi syla ozal,
gulaklaryň syla, gora,
dyk, diňleme öňýeteni,
degmejegi diňläniňe,
ýum gözleriň, açma agzyň,
jaň dakylan kän äňine.