Jogapkärçilik dagy

Sen özüňe jogapkär,
sen sözüňe jogapkär,
sen ýüzüňe jogapkär,
sen gözüňe jogapkär,
jogapkär sen gulagyňa,
jogapkär sen dişiňe,
jogapkär sen işiňe,
jogapkar sen dogry ýoran,
ýa ýormadyk düýşüňe.

Jogäpkär sen aýagyňa,
jogapkär sen elleriňe,
giden bolsaň ýa gitmedik,
tutan bolsaň ýa tutmadyk,
jogapkär sen eken bolsaň,
ýa ekmedik gülleriňe,
baglaryňa jogapkär sen,
wagty gelip, wagtyň bolman,
gerek wagty ulanmadyk
çaglaryňa jogapkär sen,
il-günüňi gorap, belki,
aşyk bolsaň, Perhat ýaly,
teşe alyp ýumurmadyk,
daglaryňa jogapkär sen.