Soňky gülki

Gülen bolsaň onda oňa,
gülen bolsaň munda muňa,
aýdylanda, diýilende,
ýa aglanda gaçyp gelen,
yzda naçar ene galan,
ata galan, içi arman,
gözüň ýumup özüňdäki
garyp-gasar, öýsüzlere,
türmelere, hyryn-dykyn,
açyk syra – alym-berim,
gözi gumdan doljak baýlap,
ot sowurýan nepin gözläp,
pida sözläp, bir çyny ýok,
bilmeýän dek gitjek güni
hiç mahlugyň horjuny ýok,
salyp gider ýaly malyn,
altyn, kümüş, zere öwrüp,
uzak güldüň diýýän ýaly,
boljak diýip indi höwrüň,
gelýär bir gün gyzyl däli,
aglamaly edip halyň.